Blog

Latest News and Updates

TAYO 8 Response Speech

December 9, 2010

Sa kagalang galang nating Pangulong Noynoy Aquino at Senador Kiko Pangilinan; sa Chairman ng National Youth Commission, G. Chris Arnuco;  sa Pangulo ng TAYO Awards, G. Bam Aquino; sa Presidente ng Coca Cola Export Corporation, G. Guillermo Aponte; kay Secretary Sonny Coloma; kay Undersecretary Celia Yangco; sa aking mga kasamahang TAYO 8 National Finalists, mga panauhin, magandang umaga.

“The youth is the hope of our nation”. Though a cliche’, this proverbial quote uttered by our very own national hero Dr. Jose Rizal became a pillar for the Filipino youth’s vision to create change. While continuously holding on to our ideals on integrity and excellence in our leadership, service and sense of volunteerism, we would like to relay in a nutshell how the TAYO experience created a major change in our lives, in the future of our respective organizations (and our beneficiaries).

Sa nagdaang limang araw, nabiyayaan kaming mga National Finalists ng TAYO 8 na makilala ang isa’t isa, makipag-unahan sa paggising sa umaga para makarami sa breakfast buffet, makipagkulitan sa bus habang naglalaro ng Pinoy Henyo, magpapicture kung saan-saan, sabihing “ay, na-stress ako”, magkantiyawan, magtawanan, at higit sa lahat, maging magkakaibigan.

Ngayong papatapos na ang mga makukulay na araw na ito at muli kami’y babalik sa aming sari-sariling komunidad na pinagsisilbihan, baon namin ang mayayamang karanasan at natutuhan mula sa isa’t isa:

Una, tunay ngang panalo na kaming lahat. Makinig ka lang sa kwento ng bawat isa, talagang mapabibilib ka sa kung papaanong nakagagawa ang aming kapwa kabataan ng pagbabago sa kanilang mga sariling paraan. Iba-iba man ang aming isyung tinutugunan, nananalig kami na ang aming pagkilos ay nagsimula sa paniniwalang may magagawa kami para sa bayan. Merong pananalig.

Ikalawa, marahil, totoo ngang ang kabataan ang pag-asa ng bayan sapagka’t naririto kaming mga kabataan na pumiling makilahok sa solusyon sa problema – we chose to win the battle against apathy by making sure that the spirit of volunteerism will prevail. Merong pakikilahok.

Ikatlo, bagama’t galing kami sa iba’t ibang panig ng bansa na may iba’t ibang adhikain at konteksto: Muslim man o Kristiyano, magsasaka man o guro, mahirap man o mayaman, napag-isa kami ng aming pagmamahal sa kapwa – ng pagmamahal sa bayan. Sa komunidad na ito ng TAYO, naramdaman naming hindi kami nag-iisa; may mga kasama kami sa pakikibaka. At hindi lamang ang aming mga kapwa kabataan, kundi mga nakatatandang patuloy na naniniwala sa aming kakayahan. Merong pakikiisa.

Sa mata namin ngayon, tunay ngang maliwanag ang kinabukasan ng ating bayan. Maninindigan kami sa desisyong ito na makilahok, makiisa, at manalig para sa ating kinabukasan. Gayunpaman, magiging mahirap ang aming tatahaking landas kung kami-kami lamang ang magsusumikap para sa pagbabago. Kailangan namin ang tulong ninyo. Manindigan TAYO. Manalig TAYO. Makilahok TAYO. Makiisa TAYO. Magtulung-tulungan TAYO.

Sa mga miyembro ng TAYO Secretariat, NYC, Office ni Senator Kiko at sa lahat ng kinatawan ng mga tumulong sa programang ito: sa Coca-Cola Export Corporation, PAGCOR, Jollibee, BPI, DSWD, DA, TeaM Energy Foundation, Ninoy and Cory Aquino Foundation Sampu ng aking mga kasamahang National Finalists Daghang salamat. Madamo gid na salamat, Muchisimas gracias, Mwasalam, Dios mabalos, Thank you

Sa aming mga kasamahan sa organizasyon, mga kaibigan, mga kapamilya at Diyos Maykapal, Maraig na salamat, Iyaman, Matamang salamat, Agya-manak, Munyaman ami, Maraming maraming salamat. Mabuhay ang kabataang Pilipino. Mabuhay TAYO!

adminTAYO 8 Response Speech
Share this post

Join the conversation

n

Related Posts